Steroid anabolic

Tabledi neu ampwl chwistrellu

Almyncu neu chwistrellu

Yr effeithiau y mae pobl yn ddisgwyl wrth gymryd steroid yw cynyddu mas y cyhyrau, unai ar gyfer gwella edrychiad neu ar gyfer gwella perfformiad chwaraeon drwy gael yr un effaith ond gwneud llai o ymarfer corff.

Gall defnyddio’r cyffur yma yn aml gan ferched arwain at ddatblygiad anwrthdroadwy (irreversible) o nodweddion rhywiol dynion megis mwy o flew ar y corff, dirywiad ym maint y bronnau, y llais yn dyfnu, cynyddiad ym maint y “clitoris” a hefyd effeithiau ar gylchred y misglwyf. Mewn dynion gall y cyffur dyfu bronnau, lleihau maint y ceilliau, lleihau'r nifer o sberm a hefyd colli libido. Mae adroddiadau o ymddygiad ymosodgar yn gyffredin gyda’r cyffur hwn, mae’n derm sydd yn cael ei alw yn 'roid rage' sydd yn act o drais eithafol gan berson tawel a mwyn o ganlyniad i ddefnyddio steroid. Gall effeithiau yn y tymor hir achosi niwed i’r iau gan gynwys cancer a math prin o hepatitis. Gall achosi ymdoddi (fusion) cynar yn derfyn yr esgyrn mewn pobl ifanc gan arwain at esgyrn ddim yn tyfu i’w llawn maint. Mae adroddiadau o achosion problemau seiciatryddol yn cynnwys paranoia, anghofio ac iselder ysbryd o ganlyniad i’r cyffur. Gall gynyddu'r risg o drawiad ar y galon a strôc. Gall chwistrellu steroid gynyddu'r risg o HIV os yw nodwyddau yn cael eu rhannu.