Barbitiwradau

Barbs, Downers, Blues, Reds, Sekkies, Blue Angels, Blue Devils, Blue Bullets, Purple Hearts, Goofballs, Red Devils

Rhan amlaf fel tabled ond gall fod yn ampwl, toddydd, capsiwl neu syryp.

Amlyncu neu chwistrellu

Mae ychydig o farbitwrad yn helpu pobl i ymlacio, teimlo’n gymdeithasol a llawn hiwmor. Os cymerir dôs mawr yna gall rhoi effaith meddw tebyg i alcohol i’r defnyddiwr. Mae’r effaith yn fwy os cymerir yr un adeg a thawelyddion eraill, gall fod yn beryglus iawn gan arwain at orddos neu farwolaeth.

Gall dôs uchel fod yn debyg i effeithiau alcohol gan achosi damweiniau di angen megis baglu ac yn y blaen. Gall methiant resbiradol ddigwydd o ganlyniad i orddos ac arwain at farwolaeth. Mae marwolaeth yn bosibilrwydd cryf gyda’r cyffur hwn oherwydd bod y dôs cyffredin (normal) ddim llawer llai na fuasech yn alw yn orddos ac yn llai fyth wrth eu cymryd gydag alcohol, tawelyddion neu heroin. Mae’r peryglon o chwistrellu'r cyffur i’r gwaed yn uchel iawn, mae rhannu nodwyddau yn codi'r risg o HIV ond y dull o chwistrellu sydd beryglaf er enghraifft os na yw’r tabledi wedi cael eu malu ddigon man, ni fyddant yn ymdoddi yn y gwaed ac felly yn rhwystro llifrediad y gwaed. Gall defnyddio'r cyffur'n drwm a chyson achosi broncitis, niwmonia a hypothermia. Os yw’r defnyddiwr yn ddibynnol neu'n gaeth i’r cyffur yna gall alldyniad (withdrawal) sydyn fod yn angheuol (fatal).

Gall dibyniaeth corfforol a seicolegol ddatblygu yn enwedig os cymerir dôs uchel o hyd.

Mae barbitiwrad fel pob tawelyddion eraill yn gyffur presgripsiwn yn unig o dan y ddeddf “Medicines Act.” Cewch eu meddu yn unig os cawsoch hwynt gan y doctor. Maent yn gyffuriau dosbarth B felly mae’n anghyfreithlon eu meddu, eu cynhyrchu, cyflenwi neu ddefnyddio eich adeilad i wneud rhywbeth gyda’r cyffur.