Cocên/Crack

Cocên, Coke, Cocâin, Charlie, C, Snow, Flake, Nose Candy, Hits, Dust, Gold, Coca paste, Crack, Rocks, Wash, Stone, Gravel, Crank, Cocen, Cocain,

Mae Cocên yn fwy cyffredin mewn ffurf powdr. Mae “Crack” wedi ei wneud o grisialau man sydd yn barod i gael ei ysmygu.

Amlyncu, chwistrellu, ffroeni, ysmygu.

Mae Cocên yn gyffur adfywiol (stimulant) cryf ond eto nid yw’r effaith yn para'n hir iawn (30-40 munud). Mae’n achosi cynnydd yng nghuriad y galon, pwysedd gwaed ag anadliad. Mae’r effeithiau yn debyg iawn i effeithiau amffetaminiau sef hyderus, colli awydd bwyd, llawn egni a theimlo yn grêt yn eich hun. Mae “Crack” yn rhoi'r un effeithiau ond yn llawer iawn cryfach. Dim ond yn para am ychydig yn unig.

Ar ôl i effeithiau’r cyffur gilio, gall y defnyddiwr deimlo yn flinedig, cysglyd, pryderus, iselder ysbryd a pharanoia. Yn aml iawn defnyddir mwy o’r cyffur i leihau'r effeithiau hyn. Mae effeithiau'r “come down” yn waeth gyda dôs uchel a defnyddio’r cyffur yn aml. Gall ffroeni y cyffur niweidio’r pilenau (membranes) eiddil sydd yn leinin y trwyn yn ogystal ar septwm sydd yn gwahanu’r ffroenau. Gall ysmygu Cocên sef “Crack” neweidio yr ysgyfaint gan achosi poenau yn y frest ac yn arwain at froncitis. Gall chwistrellu Cocên achosi heintiau tebyg i HIV hepatitis os caiff y nodwyddau eu rhannu. Problem gyffredin gyda Cocên yw mynd i ddyled oherwydd bod y cyffur yn ddrud.

Gyda Cocên gall dibyniaeth seicolegol ddatblygu ond gall dibyniaeth corfforol a seicolegol cryf iawn ddatblygu drwy ysmygyu “Crack”

Mae cocain yn gyffur dosbarth A, mae’n anghyfreithlon ei feddu (heb bresgripsiwn), cynhyrchu, cyflenwi a gadael eich adeilad gael ei ddefnyddio i wneud unrhyw beth gyda’r cyffur.