GHB / GBH

GBH, GBL, Liquid E, Liquid X, Fantasy, Midnight Blue, Serenity, Enliven

Mae GHB yn hylif di-liw, diarogl gyda blas hallt arno. Gall fod mewn ffurf powder a fydd wedyn yn cael ei doddi mewn dŵr ai lyncu.

Mae GBL yn cael ei ddefnyddio i wneud GHB ac yn aml yn cael ei werthu ar wahân. Os bydd GBL yn cael ei amlyncu, bydd y corff yn ei drawsnewid i GHB.

Amlyncu

Gyda dôs bach o GHB gall gael effaith “aphrodisiac” ar y defnyddiwr a theimlo yn dda yn ei hun, wedi ymlacio a llonyddwch. Mae yn lleihau swildod ac hefyd yn cynyddu “libido”.

Gall cryfder GHB amrywio o botel i botel felly mae’n anodd gwybod faint i’w gymryd. Os cymerir gormod o ddôs gall y teimlad o ymlacio wneud lle i bethau gwaeth megis teimlo’n gyfoglyd, cyhyrau anystwyth, syrthni a chymysglyd. Gall dôs uchel iawn arwain at gonfylsiwn, coma a chwymp resbiradol. Mae GHB yn cael ei ddefnyddio yn aml i gyflawni troseddi megis treisio am y rheswm nad oes arogl na llawer o flas ynddo a gall ei roi yn hawdd mewn diod rhywun. Gall y cyffur fod yn beryglus iawn wrth ei gymysgu gydag alcohol a chyffuriau eraill.

Nid oes llawer o wybodaeth am effeithiau tymor hir GHB ond mae’n bosib mynd i ddibynnu yn gorfforol a seicolegol ar y cyffur wrth i oddefgarwch y corff gynyddu.

Mae GHB yn gyffur dosbarth C - mae’n anghyfreithlon i’w feddu, cynhyrchu a chyflenwi rhywun gyda’r cyffur (gwerthu neu roi). Gall ei feddu arwain at 2 flynedd yn y carchar ai werthu arwain at 14 mlynedd yn y carchar.