Tybaco

Dail planhigion wedi eu sychu sydd yn cael eu tyfu yn wahanol rannau o’r byd.

Ysmygu, ffroeni.

Mae ysmygu tybaco yn golygu anadlu tar, nicotine, carbon monocsid a nwyon eraill. Mae nicotin yn gyffur adfywiol, mae’n cynyddu curiad y galon a phwysedd gwaed. Bydd ysmygwyr cyson yn aml yn dweud fod ysmygu yn eu helpu i ganolbwyntio, ymlacio, brwydro diflastod a lleihau pryder. Mae rhai yn dweud ei fod yn lleihau chwant bwyd. Mae’r effeithiau yn dechrau yn sydyn iawn ac yn para o ddeutu 30 munud gydag un sigarét.

Gall y corff fynd yn gaeth i ysmygu gan wneud i’r defnyddiwr deimlo’n flin, aflonydd, croendenau ac isel ei ysbryd os nad yw wedi cael sigarét ers beth amser. Mae tagu, problemau anadlu ac anadl ddrwg yn gyffredin iawn ymysg ysmygwyr. Bydd ysmygwyr hir dymor yn fwy tebygol i ddatblygu problemau iechyd, megis cancr yn ysgyfaint a mathau eraill o gancr, clefyd y galon, problemau gyda llif y gwaed, bronchitis a hyd yn oed wlserau. Mae merched sydd yn ysmygu yn ystod beichiogrwydd yn dueddol i roi genedigaeth i fabanod llai nâg arfer, hefyd gall ysmygu wrth gymryd tabledi atal genhedlu achosi problemau gyda llif y gwaed ar galon.

Ysmygu goddefol ( Passive smoking) - gall ysmygu mwg rhywun arall fod yn niweidiol i’ch iechyd, mae plant a babanod yn dueddol o ddatblygu asma neu broblemau anadlu eraill drwy ysmygu goddefol.

Mae goddefgarwch gan y corff yn datblygu yn fuan iawn i effeithiau nicotin, felly bydd angen ysmygu mwy i gael yr un effaith. Bydd ysmygwyr sydd yn trio rhoi gorau i’r arferiad yn aflonydd, blin, diflas a phryderus am gyfnod.

Nid yw yn anghyfreithlon i brynu, meddu neu ddefnyddio cynnyrch tybaco. Mae gwerthu tybaco i blant dan 18 oed yn anghyfreithlon.

Oedran prynu tybaco yn codi i 18 - 01/10/2007