Tawelyddion / tranquilliser

Temazepam (tems, eggs, jellies, norries), Benzodizepines, Valium, Librium, Ativan, Diazepam

Amlyncu neu chwistrellu

Mae Benzodiazepines (tawelyddion) yn gyffur iselydd sydd yn effeithio ar y system nerfau mewn ffordd tebyg iawn i alcohol. Maent yn rhyddhau tensiwn ac yn lleihau pryder, bydd y defnyddiwr wedi ymlacio ar ôl ei gymryd. Gall dôs uwch leihau swildod a chodi hyder. Maent yn gweithio’n gyflym ac yn para am rai oriau.

Gall effeithiau'r cyffur yma wneud asesu risg yn anodd iawn, arweiniai hyn at ddamweiniau megis dreifio, croesi’r ffordd ac yn y blaen. Mae’n hawdd iawn cymryd gorddôs o’r cyffur yma yn enwedig os y cymysgir gydag alcohol neu herion. Roedd llawer a oedd yn ddibynnol ar y cyffur yn chwistrellu temasipam (math o dawelydd) yn syth i’r gwaed, arweiniodd hyn i’r gwneuthurwyr newid y cyffur o hylif i gapsiwlau gel ond nid oedd hyn yn rhwystro'r defnyddiwr penderfynol. Gall y gel hydawdd yn y gwaed galedu’n ôl gan achosi rhwystr yn llif y gwaed (thrombosis) gall hyn arwain at fadredd (gangrene). Mae symptomau diddyfnu yn codi aml wrth i oddefgarwch y corff gynyddu. Gall symptomau diddyfnu bara am wythnosau ac yn gwahaniaethu o berson i berson, bydd y symptomau cyffredin yn cynnwys pryder, insomnia, pwlïau o banig, teimlo’n gyfoglyd a hyd yn oed gweld rhithweledigaethau.

Gall goddefgarwch y corff ddatblygu yn sydyn iawn hefyd gall dibyniaeth seicolegol a cgorfforol ddatblygu o ganlyniad i gymryd y cyffur yn gyson.

Mae benzodiazepines / tawelydd yn gyffur presgripsiwn yn unig, mae’n cael ei reoli o dan gyffuriau dosbarth C gan y “Misuse of Drugs Act”. Mae cyfraith wahanol ar gyfer temasipam.