Gwahardd Ysmygu
Bydd y gyfraith newydd sy’n gwahardd smygu mewn mannau cyhoeddus caeedig yng Nghymru yn dod i rym ar 2 Ebrill 2007. Nod y gyfraith ar smygu yw diogelu gweithwyr a’r cyhoedd rhag effeithiau niweidiol mwg ail-law. Mae’r gyfraith yn creu tair trosedd benodol:
- Methu ag arddangos arwyddion dim smygu mewn safleoedd sy’n dod o dan y gyfraith.
- Ysmygu mewn man di-fwg.
- Methu ag atal smygu mewn man di-fwg.
Mae deddfwriaeth debyg eisoes wedi’i rhoi ar waith yn yr Alban a bwriedir iddi ddod i rym yn Lloegr a Gogledd Iwerddon yn 2007. Prin iawn yw’r eithriadau a gynigir o dan y gwaharddiad ar smygu. Bydd y gyfraith newydd yn effeithio ar y rhan fwyaf o fannau cyhoeddus, gan gynnwys, tai bwyta, bariau, siopau, sinemâu, canolfannau siopa, canolfannau hamdden, gweithleoedd caeedig eraill a thrafnidiaeth gyhoeddus.
Pa gosbau y bwriedir eu rhoi i’r rheini sy’n torri’r gyfraith?
- Gall unigolion gael cosb benodedig o £50 am smygu mewn safle dim smygu. Ar gyfer collfarn ddiannod (summary conviction), gallai’r ddirwy uchaf fod yn £200.
- Gallai rheolwr safle dim smygu neu’r person sy’n gyfrifol am y safle gael cosb benodedig o £200 am fethu ag arddangos arwyddion rhybudd ar y safle. Ar gyfer collfarn ddiannod, gallai’r ddirwy fod gymaint â £1,000.
- Gallai rheolwr safle dim smygu neu’r person sy’n gyfrifol amdano gael dirwy o hyd at £2,500 am ganiatáu i eraill smygu ar y safle.
- Gallai’r sawl sy’n rhwystro swyddog wedi’i awdurdodi gan yr awdurdod lleol i orfodi’r ddeddf gael dirwy o hyd at £1,000.
Beth mae angen i chi ei wybod am y ddeddfwriaeth ddi-fwg [PDF,591KB]
Rheoliadau mangreoedd di-fwg etc (Cymru) 2007 [PDF, 60KB]
www.smokingbanwales.co.uk |
